كبّة الطيار لعبة أسئلة جماعية للسهرات على التلفزيون والجوال
افتحوا اللعبة على الشاشة، وكل فريق يضغط «الكبّة» من جواله أول ما يعرف الجواب. فئات وأسئلة بالعربي، وحكم يدير الجولة، وألعاب سهرة يلعبها كل واحد من جواله. الكبّة لأسرعكم!
كيف تنلعب؟
ثلاث خطوات وتبدأ السهرة: شاشة كبيرة يشوفها الكل، وجوال لكل فريق.
افتحوا اللعبة على الشاشة
من متصفح التلفزيون أو اللابتوب اكتبوا kobbaa.com/tv، وتطلع الأسئلة على الشاشة للكل.
كل فريق يمسك جواله
امسحوا رمز QR، وكل فريق يضغط «الكبّة» من جواله أول ما يعرف الجواب. الأسرع ياخذ الدور.
الحكم يدير الجولة
واحد منكم يصير «الحكم»: يشوف الجواب على جواله، ويحكم على الإجابات، والنقاط تنحسب تلقائياً.
وش تلعبون؟
أوضاع كثيرة للسهرة، وكل وضع فيه فئات وجولات: من الأسئلة العامة لكرة القدم والأفلام والأغاني، وألعاب للأطفال، ومسابقات رمضان.
ألعاب السهرة
١٥ لعبة يلعبها كل واحد من جواله، من ٢ إلى ٢٠ لاعب حسب اللعبة.
كبّة كلاسيكية
فريقين وست فئات تختارونها بنفسكم.
بطولة
من ٣ إلى ٨ فرق، والمغلوب يطلع.
رمضانيات
سهرات رمضان جاهزة: دين ودراما وعادات.
كأس العالم
المونديال والعرب فيه والأساطير.
صوت وصورة
خمّنوا الأغنية والصورة والمقطع.
هوليوود
٢٠ مسلسل و٢٠ فيلم، كل واحد فئة.
الأطفال
أسئلة سهلة وممتعة للصغار.
سهرة جاهزة
ما تبون تختارون؟ ست فئات مختارة لكم، ضغطة وتبدأ.
ألعاب خاصة
سوّوا لعبتكم بنفسكم: فئاتكم وأسئلتكم أنتم، بصوركم ومقاطعكم، لعيد ميلاد أو جمعة عائلة أو مسابقة شغل.
ثيمات الدول
غيّروا شكل اللعبة على ذوق بلدكم: ألوان ونقشات وترحيب، وفئات مختارة من كل دولة. اضغطوا الطابع وشوفوا وش فيه، أو شوفوا كل الثيمات.
لمين اللعبة؟
لأي جمعة فيها شاشة وجوالات.
العائلة
كبار وصغار في جولة وحدة، وفيه وضع للأطفال.
الربع
بطولة وتحدّي، ومين الأسرع على الكبّة.
الحفلات
ألعاب سهرة يلعبها كل واحد من جواله.
رمضان
سهرات جاهزة بعد الفطور مع العائلة.
أسئلة شائعة
هل اللعبة مجانية؟
أول لعبة مجانية لكل حساب جديد. بعدها تختارون باقة ألعاب من داخل اللعبة، والسعر يطلع لكم قبل الشراء.
كم لاعب يقدر يلعب؟
في الكبّة الكلاسيكية تتنافسون فريقين، والبطولة من ٣ إلى ٨ فرق. وألعاب السهرة من ٢ إلى ٢٠ لاعب حسب اللعبة، وكل لاعب يلعب من جواله.
أحتاج أنزّل تطبيق؟
لا. اللعبة تشتغل من المتصفح على التلفزيون واللابتوب والجوال.
كيف أشغّلها على التلفزيون؟
افتحوا متصفح التلفزيون واكتبوا kobbaa.com/tv، وتطلع لكم على الشاشة خطوات الربط.
وش دور الحكم؟
الحكم واحد منكم يدير الجولة: يشوف الجواب على جواله، ويحكم على الإجابات، والنقاط تنحسب تلقائياً.
فيها مسابقات لرمضان؟
إيه، في «رمضانيات» ٢٤ سهرة جاهزة وسهرات دينية. شوفوا ألعاب رمضان.
فيها «إنسان حيوان نبات جماد»؟
إيه، اللعبة المعروفة موجودة ضمن ألعاب السهرة، وتلعبونها من جوالاتكم حتى ٢٠ لاعب. اقرأوا طريقة اللعب والنقاط.