أفكار ألعاب للسهرات ألعاب جماعية للعائلة والأصدقاء
جمعتكم الليلة وما تدرون وش تلعبون؟ هذي أفكار مجرّبة لكل نوع سهرة: مسابقات أسئلة، وتخمين وتمثيل، وألعاب للضحك، وألعاب أدوار للمجموعات الكبيرة. وفي آخر الصفحة جدول يساعدكم تختارون حسب عددكم.
كبّة الطيار · ٤ نوفمبر ٢٠٢٦
ألعاب أسئلة ومسابقات
أسهل بداية لأي سهرة: فريقين وأسئلة. المهم إن الأسئلة تناسب الموجودين، وإن فيه سرعة وتحدي.
مسابقة بالجرس
فريقين، وكل فريق يختار فئات، والأسرع يضغط الجرس ويجاوب. في كبّة الطيار هذي «الكبّة الكلاسيكية»: ست فئات تختارونها، وكل فريق يضغط «الكبّة» من جواله.
السباق
سؤال على الشاشة و٤ خيارات على كل جوال. الصح ياخذ نقاط، والأسرع ياخذ أكثر. تنلعب من لاعبين لين ٢٠.
كم تتوقعون؟
سؤال جوابه رقم، مثل «كم طول برج خليفة؟». الأقرب للرقم يفوز، واللي يصيب بالضبط ياخذ دبل.
بطولة
لو كنتم كثير قسّموا أنفسكم من ٣ إلى ٨ فرق، والمغلوب يطلع لين يبقى البطل.
ألعاب تخمين وتمثيل
ولا كلمة
واحد يشوف الكلمة ويمثّلها بدون كلام، وفريقه يخمّن. في كبّة الطيار اللاعب يمسح رمز من الشاشة بجواله ويطلع له كرته لحاله.
مين أنا؟
كل واحد عنده شخصية مشهورة ما يعرفها، والدور يلف: سؤال واحد أو تخمين.
الدخيل
الكل يعرف الكلمة إلا واحد. كل لاعب يلمّح بكلمة وحدة، وبعدين تصوّتون مين الدخيل.
إنسان حيوان نبات جماد
الكلاسيكية اللي كلنا لعبناها: حرف، وخمس خانات، والأسرع يوقّف الكل. صارت تنلعب من الجوال لين ٢٠ لاعب.
ألعاب للضحك
جواب أهبل
أسئلة مضحكة، وكل واحد يكتب جوابه، وبعدين تصوّتون لأهبل جواب.
اكذب علي
كل واحد يكتب كذبة مقنعة، والباقين يدوّرون الجواب الصحيح بين الكذبات.
مين فينا؟
«مين فينا أول واحد ينام في الكشتة؟» تصوّتون بسرية، والألقاب تتوزع.
فكّر مثل الجماعة
اكتبوا نفس جواب الأغلبية. اللي يطلع بجواب لحاله ياخذ «الخروف»!
ألعاب أدوار للمجموعات الكبيرة
لما تكونون خمسة أو أكثر، ألعاب الأدوار السرية تولّع السهرة: كل واحد له دور، والنقاش هو اللعبة.
المافيا
من ٥ إلى ١٥ لاعب. بالليل الكل ينام والمافيا تخطف، وبالنهار تتناقشون وتطردون اللي تشكّون فيه.
الخونة
من ٥ إلى ١٠ لاعبين. بينكم خونة يبون يخرّبون المهمات، والتصويت يكشف مين يكذب.
أي لعبة تناسبكم؟
| اللعبة | عدد اللاعبين | تناسب |
|---|---|---|
| السباق | ٢ لين ٢٠ | أي جمعة، وتبدأ بسرعة |
| كم تتوقعون؟ | ٢ لين ٢٠ | العائلة بكل أعمارها |
| إنسان حيوان نبات جماد | ٢ لين ٢٠ | الكل، وتنلعب جولات قصيرة |
| الدخيل | ٣ لين ١٢ | الأصدقاء |
| اكذب علي | ٣ لين ١٢ | اللي يحبون الضحك |
| مين أنا؟ | ٣ لين ١٠ | الجمعات الصغيرة |
| المافيا | ٥ لين ١٥ | المجموعات الكبيرة |
| الخونة | ٥ لين ١٠ | اللي يحبون النقاش |
كل هذي الألعاب موجودة في «ألعاب السهرة» بكبّة الطيار، وكل لاعب يلعب من جواله.
أسئلة شائعة
وش أحسن لعبة للعائلة؟
المسابقة بالجرس و«كم تتوقعون؟» وإنسان حيوان نبات جماد تناسب كل الأعمار، لأنها ما تحتاج خبرة ولا قوانين طويلة.
وش ألعب لو كنا كثير؟
المافيا من ٥ إلى ١٥ لاعب، والسباق و«إنسان حيوان نبات جماد» لين ٢٠ لاعب، أو بطولة من ٣ إلى ٨ فرق.
أحتاج أدوات؟
لا. في كبّة الطيار تحتاجون شاشة يشوفها الكل وجوالات بس.